Kur e ndezni kompjuterin ju shihni një pamje të tillë në ekran, që quhet desktop.

Desktopi është vendi ku ju organizoni programet tuaja dhe filloni të kryeni punën.

Nga ana e majte ju do të shihni një grup ikonash. Këto ikona hapin programe, skedarë apo dosje nga desktopi.

Një ikonë është paraqitja grafike e një diçkaje apo funksioni.

Një skedar është grumbull informacioni që mund të jetë tekst, ilustrim ose komanda kompjuteri që mund të ruhen ose të ndryshohen si një njësi e vetme.

Nje dosje përfaqeshin një vend të caktuar në disk për të ruajtur informacion. Ato përdoren për të organizuar skedarët dhe nëndosjet në nivele .

Disa ikona ne desktop

Ikona My Computer (Kompjuteri im)

Kjo ikone përdorte për të parë gjithçka në kompjuter. Për ta hapur këtë ikone, por edhe ikona të tjera, ne klikojmë dy herë mbi të. Në dritarën My Computer ju do të shihni edhe ikonën e çdo drajvi (drajv – pjese e kompjuterit qe lexon ose ruan informacionin në disk ose në shirit).

Ikona My Documents (Dokumentet e mia)

Kjo ikone ju jep mundësinë të hyni menjëherë në dokumentet që krijoni. Uindousi është programuar t’ju adresoje tek My Documents për të ruajtur dokumentet tuaja, por ju mund t’i ruani ato edhe në dokumente të tjera.

Ikona Internet Explorer

Kjo ju lejon të zbuloni rrjetin mbarëbotërore (World Wide Web)

Ikona My network places (Network Neighborhood)

Kjo paraqet drajve, printera dhe dosje në një rrjet kompjuterësh (nëse ju jeni të lidhur në një rrjet të tillë) si edhe mënyra të shkurtra për të hapur faqe interneti. Gjithashtu paraqet edhe ikonat e ISP-ve (internet service product) të cilat ju ofrojnë shërbimin e shfrytëzimit të internetit.

Ikona Recycle Bin (Koshi i riqarkullimit)

Kjo paraqet vendin ku shkojnë dokumentet apo dosjet e fshira. Quhet i riqarkullimit sepse ju mund t’i tërhiqni përsëri andej dokumentet apo dosjet nëse jeni penduar për fshirjen.

Në fund të desktopit ju shikoni një shirit me ngjyre që quhet taskbar (shiriti i punëve në kryerje). Taskbari shërben për të organizuar punën me dritaret e hapura njëkohësisht.

Në skajin e majte të taskbarit është butoni Start ku ju drejtoheni për të hapur një program, apo një dokument, për të përdorur Uindousin e shumë pune të tjera.